Speyryn rollageagh goit seose er stampyn noa (Star studded skies captured on latest stamp issue)

(Manx Gaelic : Naight – Radio Vannin) 

Ta Stampyn as Cooinaghyn Ellan Vannin er cho-obbraghey marish Scrialtys Speyr Ghorraghey (Dark Sky Discovery) dy chur roish stampyn yindyssagh ta jannoo ardeailley jeh aalid as glennid speyryn-oie Vannin.

V'eh goit rish ny s'leaie sy vlein shoh dy vel speyr Vannin nane jeh ny speyryn share syn Oarpey son jeeaghyn er ny rollageyn. Hed ny stampyn er cur magh yn chied laa Mean Fouyir.

Ooilley cooidjagh, ta shey as feed dy h-ynnydyn speyr ghorraghey ec yn Ellan, yn earroo smoo jeh'n lheid syn Oarpey. Va nuy ynnydyn jeig goit rish sy chied vee, chammah as ny shiaght ynnydyn hooar Staydys Speyr Ghorraghey ayns Jerrey Fouyir, feed cheead as daa-yeig.

Cha nee agh ynnydyn raad ta shiilaghyn yindyssagh jeh'n speyr-oie ry-gheddyn ta cosney Staydys Speyr Ghorraghey.

Nane jeh slattyn-towse son Staydys Speyr Ghorraghey, shen ablid fakin Raad Mooar Ree Gorree oieghyn dorraghey as glen gyn eayst. Ta'n ennym 'Raad Mooar Ree Gorree' cur ayns cooinaghtyn çheet er thalloo Vannin Ree Gorree sy chied eash jeig.

Nicole Stott, troailtagh-spoar NASA as ben y Vanninagh Chris Stott, ren ee pohlldal dy bollagh yn yeearreydys son ny chied shiaght ynnydyn: 'Shimmey keayrt, phrow mee dy chur enney er Mannin veih'n chruinlagh, agh, dy jarroo, by ghoillee dou shen, er yn oyr dy vel ee cho dorraghey! Fy yerrey, hooar mee jalloo jee - ta shen soilshaghey cre cho yindyssagh as ta ny speyryn-oie ayns yn Ellan. She ard-yindyssagh speyryn Vannin son rollageydys - braew heose, er boayrd y Stashoon Spoar Eddyrashoonagh, as braew heese, er yn Ellan.'

Ta ny stampyn er nyn yannoo ny lurg co-choyrle marish Howard Parkin ass AstroManx. Ta jallooyn yindyssagh jeh oieghyn-speyr Vannin ry-akin er ny stampyn, as jallooyn ennagh taishbyney paart jeh ny co-rollageyssyn ta ry-akin dy h-aashagh car ny bleeaney, kyndagh rish speyryn dorraghey yn Ellan.

She Orion ta'n stamp daa phing as daeed taishbyney, nane jeh ny co-rollageyssyn geuree s'yindyssee, as eh currit er jalloo goit voish Yn Arbyl. She yn co-rollageys arree Leo ta'n stamp keead, tree feed as kiare ping taishbybney, chammah as ny speyryn voish Purt Çhiarn. She yn co-rollageys souree Cygnus ta'n stamp nuy feed as daa phing taishbyney, marish shilley jeh Raad Mooar Ree Gorree, myr t'eh ry-akin voish Ellan Vaayl. She yn co-rollageys fouyir Pegasus as Andromeda ta'n stamp daa cheead, jeih as feed ping taishbyney, marish shilley jeh'n speyr voish Langlish.

Star studded skies captured on latest stamp issue

News Item - Manx Radio

Isle of Man Stamps and Coins has teamed up with Dark Sky Discovery to present a stunning stamp issue celebrating the beauty and clarity of the Manx night skies.

Acknowledged earlier this year as being one of the best skies for stargazing in Europe, the stamps will be released on September 1.

The Island has a total of 26 dark sky sites, the greatest concentration of such sites in Europe. Nineteen were recognised in January, in addition to the seven granted the status in October 2012.

Dark Sky Status is granted only to sites that have spectacular views of the night sky.

One of the criteria for Dark Sky Status is the ability to see the Milky Way clearly on dark clear moonless nights, which is known in Manx as 'Raad Mooar Ree Gorree', or 'The Great Way of King Orry', commemorating the landing of KIng Orry in the late 11th century.

Nicole Stott, NASA astronaut and wife of Manxman Chris Stott, gave her full support to the application for the original seven sites: 'I tried on many occasions to identify the Isle of Man from orbit, but I had great difficulty because it is so dark! I eventually captured an image and it shows how wonderful the night skies in the Island are. The Manx skies are fantastic for astronomy - great from above, on board the ISS (International Space Station) and from below, on the Island.'

The stamp issue has been produced following consultation with Howard Parkin of AstroManx and the pictures used on the stamps show spectacular images of the Manx night skies and feature some of the constellations clearly visible throughout the year from the Island's darker skies.

The 42p stamp shows Orion, one of the most spectacular winter constellations superimposed onto an image taken from Niarbyl. The 164p stamp shows Leo, a spring constellation and the skies from Port Erin; the 182p stamp shows the summer constellation of Cygnus with a spectacular view of the Milky Way as seen from Fort Island, and the 230p stamp shows the autumn group showing Pegasus and Andromeda with the sky from Langness.

Listen To Related Audio Clip


This blog is provided for general informational purposes only. The opinions expressed here are the author's alone and not necessarily those of Transceltic.com.